Tramp urushni bahorgacha yakunlashni maqsad qilmoqda
U Ukraina uchun foydali shartnoma taklif qilish niyatida.
The Independent nashriga ko‘ra, Ukrainaning “Xalq xizmatchisi” fraksiyasi rahbari David Arahamiya Donald Trampning inauguratsiyasida faxriy mehmonlar qatoridan joy egallagan. Shundan so‘ng, Arahamiya ommaviy axborot vositalariga bergan intervyusida Ukraina delegatsiyasi kelgusi oyda AQSH prezidenti bilan uchrashish uchun Vashingtonga tashrif buyurishi kutilayotganini maʼlum qildi. David Arahamiya Ukraina prezidenti Vladimir Zelenskiyga yaqin shaxslardan biri hisoblanadi.
“AQSHning Ukrainani qo‘llab-quvvatlashidan xavotirda bo‘lganlar Arahamiyaning inauguratsiyada ishtirok etganiga eʼtibor qaratishlari lozim. Bu juda muhim qadam bo‘lib, Donald Tramp Ukraina uchun foydali shartnoma taklif qilish niyatida ekanini ko‘rsatadi”, deyiladi The Independent maqolasida.
Eslatib o‘tamiz, avvalroq Ukraina prezident devoni rahbari Andrey Yermak urushni 100 kun ichida yakunlashga qaratilgan hech qanday tinchlik rejalari mavjud emasligini aytgan edi.
“Strana” nashriga ko‘ra, Arahamiya bilan Yermak o‘rtasidagi jiddiy zidddiyat mavjud bo‘lib, Arahamiy ushbu kurashda AQSHning yangi prezidenti jamoasining qo‘llab-quvvatlashiga erishishga intilmoqda.
