Eron ikkita uchuvchisiz dronni sinovdan o‘tkazdi
Sinov jarayonlari muvaffaqiyatli yakunlangan.
Eron armiyasi quruqlik qo‘shinlari tomonidan o‘tkazilgan harbiy mashg‘ulotlar doirasida ikkita turdagi dronlarning birgalikda parvoz qilish bo‘yicha muvaffaqiyatli sinovlari amalga oshirildi.
Bu haqida quruqlik qo‘shinlari qo‘mondonining dala masalalari bo‘yicha o‘rinbosari, brigada generali Karim Cheshak maʼlum qildi.
Uning so‘zlariga ko‘ra, mamlakatning g‘arbiy hududida bo‘lib o‘tgan mashg‘ulotlar chog‘ida 1 500 km dan ortiq masofaga uchish qobiliyatiga ega bo‘lgan dronlarning birinchi ommaviy parvozi va lazerli bombalar bilan aniq nishonga olish, aniqlash va yo‘q qilish imkoniyatiga ega bo‘lgan dron tizimlari sinovdan o‘tkazildi.
Generaling taʼkidlashicha, sinovlar davomida Mohajer va Ababil zarba dronlari “Qo‘m”, «Dastevara» va “Arman” bombalari bilan nishonlarni aniqlab, chegaraning narigi tomonidagi terrorchi kuchlar to‘plangan joylarni muvaffaqiyatli yo‘q qilgan. Shuningdek, sinovdan o‘tgan dronlar har qanday ob-havo va geografik sharoitda maqsadni aniq yo‘q qilish qobiliyatiga ega ekani qayd etildi.
Komila Odilova tayyorladi
