Istanbulda 250 dan ortiq mehmonxona yopilmoqda
Bu tog‘-chang‘i kurortida yuz bergan yong‘in bilan bog‘liq.
Turkiyaning Istanbul shahrida 250 dan ortiq mehmonxona yopilishi haqida qaror qabul qilindi. Bu chora-tadbirlar Kartaqlaya tog‘-chang‘i kurortida yuz bergan halokatli yong‘indan keyin o‘tkazilgan tekshiruvlar natijasida qabul qilindi.
Istanbul gubernatori Davut Gyul barcha turarjoy litsenziyasiz mehmonxonalarni yopish to‘g‘risida farmon imzoladi. O‘tkazilgan tekshiruvlarda shaharning 12 ta tumanida jami 253 ta mehmonxona qonuniy faoliyat yuritayotgani va xavfsizlik qoidalariga, jumladan, yong‘in xavfsizligiga rioya qilmayotgani aniqlandi.
Eng ko‘p huquqbuzarliklar xorijiy sayyohlar orasida mashhur bo‘lgan Beyog‘lu tumanida (64 mehmonxona) qayd etildi. Keyingi o‘rinlarda Beykoz (46 mehmonxona) va Arnavutko‘y (40 mehmonxona) tumanlari turibdi.
Rasmiy maʼlumotlarga ko‘ra, barcha qoidabuzar mehmonxonalar yopilib, 3 fevralgacha muhrlanadi.
Eslatib o‘tamiz, 21 yanvar kuni Bolu viloyatidagi Kartaqlaya kurortidagi hashamatli mehmonxonada yong‘in sodir bo‘ldi. Qurbonlar soni 78 kishiga yetgan. Yong‘in sabablari rasman eʼlon qilinmagan bo‘lsada, ommaviy axborot vositalari voqea oshxona hududida boshlangani, grildagi issiq moy alangalanib ketgani haqida xabar bermoqda. Mehmonxona xodimlarining 15 nafari qo‘lga olingan.
Komila Odilova tayyorladi
