Amerikada ikkita samolyot to‘qnashib ketdi
Hodisa oqibatida ikki kishi halok bo‘ldi.
AQShning Janubiy Arizonasi shtatida sodir bo‘lgan ikki kichik samolyotning to‘qnashuvi natijasida ikki kishi halok bo‘ldi.
Milliy transport xavfsizligi kengashi (NTSB) ma’lumotlariga ko‘ra, har ikkala samolyotda ham ikki kishidan bo‘lgan. To‘qnashuv chorshanba kuni Marana hududiy aeroporti yaqinida, Tukson shahri yaqinida yuz bergan.
Hodisa natijasida Cessna 172 samolyoti favqulodda qo‘nishni muvaffaqiyatli amalga oshirgan, biroq Lancair 360 MK II samolyoti yerga qulab, yonib ketgan. Halok bo‘lgan ikki kishi shu samolyot bortida bo‘lgan, biroq Marana politsiyasi aynan qaysi samolyotda ekanligini rasman tasdiqlamagan.
Cessna 172 samolyoti AeroGuard uchuvchilik maktabiga tegishli bo‘lib, ushbu kompaniya rasmiy vakillari ularning ikki uchuvchisi sog‘-salomat ekanini bildirgan.
Marana shahri ma’muriyati bergan bayonotga ko‘ra, ushbu samolyotlar aeroportga doimiy joylashgan emas. Hodisa sodir bo‘lganidan so‘ng, yong‘in tezkorlik bilan o‘chirilgan.
AeroGuard kompaniyasi vakili Mett Panichas ushbu halokat tafsilotlarini sharhlashdan bosh tortgan, biroq kompaniya hodisa bo‘yicha rasmiy tergov bilan hamkorlik qilayotganini bildirgan.
"Ikki insonning fojiali o‘limi bizni chuqur qayg‘uga soldi. Biz ularning yaqinlari va oilalariga hamdardlik bildiramiz," – deydi u.
