Braziliyada talabalar avtobusi halokatga uchradi
Oqibatda 12 kishi halok bo'ldi.
Braziliyaning San-Paulu shtatida yo‘l-transport hodisasi sodir bo‘ldi. Talabalarni tashiyotgan avtobus boshqaruvni yo‘qotgan yuk mashinasi bilan to‘qnashdi. Oqibatda 12 kishi halok bo‘ldi, yana 19 kishi jarohat oldi.
Mahalliy xabarlarga ko‘ra, avtobusda jami 30 kishi bo‘lgan. To‘qnashuv natijasida transport vositasining chap tomoni butunlay vayron bo‘lib, yo‘lovchilarga jiddiy zarar yetgan.
Hodisa sodir bo‘lganidan so‘ng, yuk mashinasi haydovchisi voqea joyidan qochib, yaqin atrofdagi dalaga yashiringan. Biroq huquq-tartibot idoralari tomonidan u tezda qo‘lga olingan.
Ayni paytda voqea tafsilotlari o‘rganilmoqda va tergov ishlari olib borilmoqda.
