Istanbulda kuchli qor yog‘ishi hayot tarzini o‘zgartirdi
Bunga Sibir sikloni sabab bo‘layotgani aytilmoqda.
Istanbulda davom etayotgan kuchli qor yog‘ishi shaharda qator muammolarni keltirib chiqardi. Qalin qor qatlamining hosil bo‘lishi tufayli ichki aviaqatnovlar bekor qilindi, shuningdek, shahardagi barcha maktablarda darslar vaqtincha to‘xtatildi.
Mahalliy rasmiylarning qaroriga ko‘ra, xavfsizlik nuqtayi nazaridan mototsikl va skuterlarda ishlovchi kuryerlarga yo‘llarga chiqish taqiqlandi. Kuchli yog‘ingarchilik haydovchilar uchun ham katta qiyinchilik tug‘dirmoqda.
Bunday noqulay ob-havo sharoitida aholiga qulaylik yaratish maqsadida metro, ayrim avtobus yo‘nalishlari va elektrichkalar ish vaqti ikki soatga uzaytirildi.
Qayd etilishicha, Istanbulda qor yog‘ishi to‘rt kundan beri davom etmoqda.
