Toshkentda samokat va skuter o‘g‘rilamoqchi bo‘lganlar ushlandi
Hozirda tergov ishlari davom etmoqda.
Yunusobod tumanida noma’lum shaxslar 2002 yilda tug‘ilgan X.N.ga tegishli uch dona skuter (umumiy qiymati 1 200 AQSh dollari) va ikkita elektrosamokatni (550 AQSh dollarlik) o‘g‘irlab ketishgan.
Tezkor chora-tadbirlar natijasida ushbu jinoyatda gumon qilinayotgan, 2004 yilda tug‘ilgan T.A. va A.U. shaxsiga aniqlik kiritilib, ular qo‘lga olindi.
Hozirda mazkur holat yuzasidan Yunusobod tumani IIO FMB huzuridagi tergov bo‘limi tomonidan O‘zbekiston Respublikasi Jinoyat kodeksining 169-moddasi (“O‘g‘rilik”) bo‘yicha jinoyat ishi qo‘zg‘atilgan.
