Filippinda o‘g‘irlangan xitoylik o‘quvchi qutqarildi
Jinoyatchilar bolaning ota-onasidan pul talab qilgan.
Filippin politsiyasi 14 yoshli xitoylik o‘quvchini qutqarib qoldi. Uni xitoylik jinoyatchilar guruhi o‘g‘irlab, ota-onasidan 20 million dollar to‘lov talab qilgan. Jinoyatchilar bolaning haydovchisini o‘ldirib, qo‘lidan bir barmoq uchini kesib, oilasiga qo‘rqitish uchun video yuborgan.
Ichki ishlar vaziri Jonvik Remullaning so‘zlariga ko‘ra, ota-onalar to‘lovni rad etganidan so‘ng, o‘g‘rilar politsiya taʼqibidan qochishga urinib, talabani Manilaning gavjum ko‘chasiga tashlab ketishgan. Hozirda gumonlanuvchilar, jumladan, sobiq politsiyachi va askarlar qidirilmoqda.
Ushbu jinoyat Filippinda noqonuniy onlayn qimor biznesining yopilishi ortidan jinoyatchilarning odam o‘g‘irlash kabi jinoyatlarga qo‘l urayotganini ko‘rsatmoqda. Rasmiylar bunday tahdidlar, jumladan, onlayn firibgarliklar va kriptovalyuta jinoyatlariga qarshi kurash davom etishini taʼkidlamoqda.
