Chexiyada ukrainalik erkak kaltaklandi
U jamoat transportidan ham tushirib yuborilgan.
Pragada tramvay haydovchisi ukrainalik oilaga baqirib, erkakni urib yubordi va ularni majburan mashinadan tushirdi. Bu holatni guvohlar videoga olgan.
Haydovchi 2 yoshli bola bilan ketayotgan oilaga qattiq baqirgan va erkakni urgan.
Guvohlarning so‘zlariga ko‘ra, haydovchi “Sizning bu mamlakatda bo‘lishga haqqingiz yo‘q!” deb baqirgan. Jabrlangan 63 yoshli erkak jiddiy jarohat olmagan.
Oila dastlab shikoyatni Praga jamoat transporti boshqarmasiga bildirgan, keyin politsiyaga murojaat qilgan. Hozirda transport kompaniyasining rasmiy izohi kutilmoqda.
