Misrda 3000 yillik qadimiy majmua topildi
U yerda oltin qayta ishlab chiqarilgan.
Misrning Qizil dengiz sohilidagi Marsa Alam shahri yaqinida arxeologlar 3000 yillik qadimiy oltin qazib olish va qayta ishlash majmuasini topdilar. Bu yodgorlik Jabal Sukari tog‘i hududida restavratsiya ishlari davomida aniqlangan.
Misr qadimiy ashyolar oliy kengashi bosh kotibi Muhammad Ismoil Xolidning so‘zlariga ko‘ra, majmua tarkibiga rudani maydalash stansiyalari, filtrlash havzalari, loy pechlari hamda Ptolemey davriga oid turar-joylar va ustaxonalar kiradi.
Arxeologlar, shuningdek, Bastet va Garpokrat haykalchalari, zargarlik buyumlari va 628 ta sopol idish topgan. Rim va islom davriga oid topilmalar esa bu joy asrlar davomida ishlatilganini ko‘rsatmoqda.
Bu kashfiyot qadimgi Misrda oltinning ahamiyatini va uning qazib olinishi jarayonini yaxshiroq tushunishga yordam beradi.
