KXDR yadro qurolini ishga tushirishga tayyorligini eʼlon qildi

 

26 fevral kuni Shimoliy Koreya strategik qanotli raketalarini sinovdan o‘tkazdi, tadbirda Kim Chen In ham qatnashdi. U armiyaga yadro kuchlarining jangovar tayyorgarligini oshirish va ularni qo‘llashga to‘liq tayyor bo‘lishni buyurdi.

 

Sinovlar 26 fevral kuni ertalab o‘tkazilgan. Raketa 1587 km masofani 7,9 ming soniyada bosib o‘tib, belgilangan nishonga aniq teggan. Bu sinovlarning asosiy maqsadi mamlakat xavfsizligiga tahdid solayotgan dushmanlarga ogohlantirish berish va turli yadro vositalarining tayyorligini ko‘rsatish ekanligini taʼkidladi.

 

Kim Chen Inning so‘zlariga ko‘ra, kuchli zarba berish qobiliyati eng mukammal himoya va mudofaa hisoblanadi. U Shimoliy Koreya qurolli kuchlarining asosiy vazifasi yadro quroli orqali mamlakat suvereniteti va xavfsizligini taʼminlash ekanligini qayd etdi.

 

Janubiy Koreya harbiylari 26 fevral kuni Shimoliy Koreya tomonidan raketa uchirishga tayyorgarlik belgilarini aniqlagan va ularning parvozini kuzatgan. Maʼlumotlariga ko‘ra, Pxenyan yadro kallaklarini yetkazib berishga mo‘ljallangan strategik qanotli raketalarni ishlab chiqish bilan bir necha yildan beri shug‘ullanmoqda.

 

2024 yil yanvar oyida Shimoliy Koreya o‘rta va uzoq masofaga uchuvchi gipertovushli ballistik raketasini sinovdan o‘tkazgan edi. Kim Chen Inning taʼkidlashicha, bu raketa istalgan raketaga qarshi mudofaa tizimini yengib o‘ta oladi. Pxenyan 2021 yildan buyon gipertovushli qurollarni sinovdan o‘tkazayotganini bildirsada, ularning uchish masofasi 1,5 ming km dan oshmagan.