Germaniyada samolyot qariyalar uyiga favqulodda qo‘ndi
Bortda ikki nafar yo‘lovchi bo‘lgan.
Germaniyada kichik Bristell samolyoti Bavariyadagi Vilshofen aeroportidan havoga ko‘tarilgandan so‘ng nosozlik haqida signal berdi va qariyalar uyi yaqinida favqulodda qo‘nishni amalga oshirdi.
Hodisa 2 mart kuni tushdan keyin sodir bo‘lgan. Samolyot bortida ikki nafar yo‘lovchi bo‘lgan. Dastlabki surishtiruv natijalariga ko‘ra, parvoz vaqtida dvigatel ishdan chiqqan.
Uchuvchi samolyotni favqulodda qo‘ndirishga majbur bo‘ldi. Havo kemasi Passau tumanidagi Donautal qariyalar uyidan atigi 50 metr masofada qo‘ndi.
Hodisa oqibatida hech kim jarohatlanmagan. Tez yordam va favqulodda xizmatlar voqea joyiga yetib kelgan. Xabarlarga ko‘ra, yetkazilgan zarar miqdori taxminan 150 000 yevroni tashkil etadi.
