Janubiy Karolinada yana yong‘in yuzaga keldi
Hozirda 175 dan ortiq o‘rmon yonmoqda.
AQShning Janubiy Karolina shtatida kuchli shamollar ta’sirida 175 dan ortiq o‘rmon yong‘inlari yuzaga keldi. Sinoptiklar esa yaqin kunlarda yanada kuchli bo‘ron bo‘lishidan ogohlantirmoqda.
Bir oy oldin Kaliforniyaning Los-Anjeles shahri yirik o‘rmon yong‘inlaridan aziyat chekkan edi. Endi esa Janubiy Karolina shtati o‘rmon yong‘inlari bilan kurashmoqda. Shamol tufayli yong‘inlarni o‘chirish qiyinlashgan, biroq u faqat shamol to‘xtaganidan keyin nazoratga olingan.
Shtatning g‘arbiy qismida joylashgan Karolina Forest hududida eng yirik yong‘in – Covington Lane Fire 6,47 kvadrat kilometr maydonni yondirib yubordi. Yakshanba oqshomiga kelib, yong‘in faqat 30 foizga nazoratga olingan.
Dushanba kuni qo‘shni Shimoliy Karolina shtatida ham yong‘in xavfi yuqori bo‘lib, Polk okrugi favqulodda vaziyatlar xizmati evakuatsiya bo‘yicha buyruqlar hanuz kuchida ekanligini e’lon qildi. Mahalliy yong‘in ekipajlari aholi yashash joylarini qo‘riqlashda davom etmoqda.
