AQSH Yevropada harbiy mashg‘ulot o‘tkazmaydi
Bunda xarajatlar keskin qisqartirilmoqda.
Qo‘shma Shtatlar Yevropada rejalashtirilgan harbiy mashg‘ulotlarda ishtirok etmaydi. Bu qaror esa, keyingi yillarda o‘tkazilinadigan mashg‘ulotlarga taʼsir qiladi.
AQSHning Yevropadagi harbiy xarajatlarni qisqartirish rejasi, mablag‘larni Hind-Tinch okeani mintaqasiga yo‘naltirmoqchi ekani bilan bog‘liq. Shu sababdan, Yevropa AQSH ishtirokisiz faqatgina kichik bo‘linmalar bilan mashg‘ulotlar o‘tkazadi.
Xabarlarga ko‘ra, AQSH prezidenti Donald Tramp Yevropadagi Amerika kontingentini taxminan 20 foizga qisqartirishni va 20 mingga yaqin askarni olib chiqib ketishni rejalashtirmoqda. Bundan tashqari u Germaniyadagi 35 ming askarni olib, Vengriyaga joylashtirishni ko‘rib chiqadi.
Shuningdek, Tramp maʼmuriyati NATO ittifoqchilari vazifalarini qisqartirishi mumkin, xususan, mudofaa uchun yetarli mablag‘ ajratmaydigan aʼzolarni himoya qilishdan voz kechish masalasi muhokama qilinmoqda.
