Janubiy Afrikada avtobus halokatga uchradi
Hodisa oqibatida12 kishi halok bo'lgan.
Janubiy Afrikaning Yoxannesburg shahrida sodir bo‘lgan yirik yo‘l-transport hodisasi oqibatida 12 kishi halok bo‘ldi, yana 45 nafari jarohatlandi.
Baxtsiz hodisa shahar asosiy aeroporti yaqinidagi katta yo‘lda yuz bergan. Guvohlarning aytishicha, avtobus to‘satdan yo‘ldan chiqib ketib, ag‘darilgan. YTHga boshqa transport vositalari jalb etilmagan.
Hodisaning aniq sabablari hali aniqlanmagan. Mahalliy huquq-tartibot idoralari hodisa joyida tergov olib bormoqda. Dastlabki taxminlarga ko‘ra, haydovchining boshqaruvni yo‘qotishi yoki texnik nosozlik halokatga sabab bo‘lgan bo‘lishi mumkin.
Mahalliy rasmiylar jabrlanganlarga tibbiy yordam ko‘rsatilayotganini ta’kidlashdi. Shifokorlarning so‘zlariga ko‘ra, ayrim jabrlanuvchilarning ahvoli og‘ir bo‘lib, qurbonlar soni ortishi ehtimoli bor.
Hodisa yuzasidan rasmiy tergov boshlangan bo‘lib, avtobus kompaniyasi va yo‘l harakati mutasaddilari javobgarlikka tortilishi mumkin.
