Londondagi Tower Bridge vaqtincha yopildi
Nomaʼlum erkak uning yon tarafiga chiqib olgan.
10 mart kuni Londondagi mashhur Tower Bridge transport va piyodalar harakatlanishi uchun yopildi. Sababi – nomaʼlum erkak ko‘prikning yon konstruksiyalariga chiqib olgani edi.
London politsiyasi bayonotiga ko‘ra, erkak xavfsiz tarzda pastga tushirilgan va voqea nazorat ostiga olingan. Ko‘prik qisqa muddatga yopilganidan so‘ng harakat qayta tiklangan.
Hodisaning tafsilotlari va shaxsning maqsadi haqida rasmiy maʼlumot berilmagan. Guvohlarning aytishicha, voqea joyiga politsiya va qutqaruv xizmatlari tezda yetib kelib, vaziyatni bartaraf etgan. Ko‘prikda to‘planib qolgan transport va piyodalar harakati normal holatga qaytgan.
