“X” platformasiga keng ko‘lamli kiberhujum uyushtirildi
Ilon Mask bu Ukraina tomonidan uyushtirilgan deb hisoblamoqda.
10-mart kuni “X” ijtimoiy tarmog‘i keng ko‘lamli kiberhujumga uchradi, natijada platformaning ishlashida muammolar yuzaga keldi. Bu haqda Ilon Mask o‘zining akkauntida ma’lum qildi.
Uning so‘zlariga ko‘ra, bu hujum platformaga har kuni yo‘llanadigan odatiy kibertahdidlardan ancha kattaroq va muvofiqlashtirilgan bo‘lgan. Mask IP-manzillar Ukraina viloyatlariga ishora qilayotganini aytib o‘tdi, biroq aniq tafsilotlar hozircha noma’lum.
“X” ijtimoiy tarmog‘idagi nosozliklar bir qancha mamlakatlarda kuzatilgan. Ayrim foydalanuvchilar platformaga umuman kira olmagan bo‘lsa, boshqalari postlarni joylash yoki ko‘rish imkoni yo‘qligidan shikoyat qilgan.
Hozircha kompaniya rasmiy bayonot bermagan, ammo mutaxassislar ushbu hujum ortida jiddiy kiberguruh yoki hatto butun bir davlat turgan bo‘lishi mumkinligini taxmin qilmoqda.
