Turkiyada noqonuniy mumiya savdosi oldi olindi
O‘rta asr mumiyasini sotmoqchi bo‘lgan kontrabandachilar qo‘lga olingan.
Turkiyaning Nig‘de viloyati, Bor tumani hududida o‘tkazilgan maxsus operatsiya natijasida o‘rta asrlarga tegishli mumiyani noqonuniy ravishda sotmoqchi bo‘lgan 6 kishi qo‘lga olindi.
Ma'lum qilinishicha, Nig‘de viloyati jandarm boshqarmasi Kontrabanda va uyushgan jinoyatchilikka qarshi kurash bo‘limi tarixiy boyliklarni noqonuniy olib o‘tishga oid razvedka ma’lumotlarini olgan. Ushbu ma’lumotlar asosida Bor tumanidagi Kemerhisar qishlog‘ida maxsus operatsiya o‘tkazilgan.
Tadbir davomida H.G.ning uyidan O‘rta asrlarga mansub, nasroniy shaxsga tegishli deb taxmin qilinayotgan mumiya topilgan. Gumonlanuvchi H.G. va yana besh kishi hibsga olingan.
Nig‘de viloyati gubernatori Cahit Chelik ijtimoiy tarmoqdagi sahifasida operatsiya haqida shunday bayonot berdi:
"Jandarmeriya bo‘linmalariga mamlakatimizning madaniy merosini himoya qilishdagi fidokorona mehnatlari uchun minnatdorchilik bildiramiz va muvaffaqiyatli operatsiya bilan tabriklaymiz. Madaniy merosimizni himoya qilish qat’iyatimizni yana bir bor ta’kidlaymiz."
Ayni paytda qo‘lga olingan shaxslar bo‘yicha tergov ishlari Jandarma Bosh boshqarmasida davom etmoqda.
