Rossiya urushni to‘xtatishga tayyor
Putin jangovar harakatlarni tugatganida, tinchlik kafolatlanishi kerakligini ta'kidlamoqda.
Rossiya Prezidenti Vladimir Putin Ukrainadagi harbiy harakatlarni to‘xtatish taklifiga rozi ekanligini bildirdi.
Uning so‘zlariga ko‘ra, sulh faqat uzoq muddatli tinchlikni ta’minlasa va mojaroning tub sabablarini hal qilsa, amalga oshirilishi mumkin. Putin bu haqda Rossiya-Belarus oliy darajadagi muzokaralaridan so‘ng bo‘lib o‘tgan matbuot anjumanida ma’lum qildi.
Shuningdek, u o‘t ochishni to‘xtatish masalasi muhokama qilinishi kerakligini ta’kidlab, sulh sharoitida Rossiya qo‘shinlari faol harakat qilayotgan 2000 km uzunlikdagi jangovar chiziqda nimalar sodir bo‘lishi bilan qiziqdi.
Kreml rasmiylari ham bu borada muzokaralar davom etayotganini tasdiqlagan bo‘lsa-da, yakuniy qaror qanday bo‘lishi hozircha noma’lum.
