Angliyada malakasiz jarroh bemorlarning hayotiga zarar yetkazdi
U noto‘g‘ri operatsiyalar tufayli 91 bemorning hayotini xavfga qo'ygan.
Angliyada malakasiz jarroh 91 nafar bemorga noto‘g‘ri tibbiy muolajalar o‘tkazib, ularning sog‘lig‘iga jiddiy zarar yetkazgan.
Jabrlanganlardan biri, 51 yoshli Anjela Gloverning so‘zlariga ko‘ra, 2018-yilda Uolsolldagi davlat kasalxonasida ishlagan jarroh Mian Munavar Shoh uning yelkasiga noto‘g‘ri tashxis qo‘yib, asossiz operatsiya o‘tkazgan. Ayolning faqat mushak yorilishi bo‘lishiga qaramay, jarroh unga metall pinlar qo‘ygan. Natijada u umrbod og‘riqda yashashga majbur bo‘lgan.
Tergov natijalariga ko‘ra, doktor Shoh 91 bemorda noto‘g‘ri operatsiyalar bajargan. U murakkab suyak operatsiyalarini amalga oshirish uchun yetarli malakaga ega bo‘lmagan bo‘lsa-da, suyaklarni olib tashlash, vintlar o‘rnatish va protez joylashtirish kabi jarrohlik amaliyotlarini bajargan.
Kasalxona direktori jabrlangan bemorlar va ularning oilalaridan rasman uzr so‘radi. Hozircha jarroh qanday javobgarlikka tortilishi va bemorlar yetkazilgan zarar uchun kompensatsiya olishi-olmasligi noma’lumligicha qolmoqda.
