Tailandda qurilayotgan avtomagistral yo'l qulab tushdi
Halokat natijasida qurbonlar va jarohatlanganlar bor.
Tailand poytaxti Bangkokda qurilayotgan yuqori tezlikda harakatlanuvchi avtomobil yo‘lining temir-beton ustuni qulab tushdi. Hodisa natijasida kamida besh kishi halok bo‘ldi, 20 ga yaqin fuqaro jarohat oldi.
Fojia shanba kuni ertalab Rama 2 trassasida yuz bergan. Ushbu avtomagistral mamlakat janubi bilan bog‘lovchi muhim yo‘nalish bo‘lib, uning ustida qurilayotgan yangi yo‘l transport oqimini yengillashtirishga mo‘ljallangan edi.
Qurilish maydonchasida halokat sodir bo‘lgan paytda 30 ga yaqin ishchi bo‘lgan. Voqea joyida qutqaruv ishlari olib borilib, magistralning ushbu qismida harakat to‘liq yopilgan.
