Sun’iy intellekt superbuglar sirini ochib berdi
Olimlar 10 yilda yecha olmagan muammoni sun’iy intellekt 2 kunda hal qildi.
London Imperial kolleji olimlari 10 yil davomida superbug bakteriyalarining antibiotiklarga chidamlilik mexanizmini o‘rganishdi. Biroq, Googlening sun’iy intellekt vositasi ushbu jumboqni atigi ikki kun ichida yechdi.
Tadqiqot bakteriyalarni yuqtiruvchi viruslarning qanday qilib genetik material almashishini aniqlashga qaratilgan edi. AI ma’lumotlarni mustaqil tahlil qilib, olimlar ishlab chiqqan natijalarga qisqa vaqt ichida erishdi.
Olimlar sun’iy intellektning tezkorligidan hayratda qolganini tan olishdi. Mutaxassislarning fikriga ko‘ra, bunday texnologiyalar ilmiy kashfiyotlarni keskin tezlashtirib, global sog‘liqni saqlash muammolarini hal qilishga yordam berishi mumkin.
