XKSda ortiqcha qolgan astronavtlar kunlik “kompensatsiya” oladi
Kosmosdagi 286 kun uchun 1400 dollar beriladi.
Xalqaro kosmik stansiyada rejasiz ravishda to‘qqiz oy qolib ketgan amerikalik astronavtlar har bir kun uchun 5 dollar miqdorida qo‘shimcha haq oladi.
Bu haqda NASA koinot operatsiyalari boshqarmasi vakili Jimmi Rassel ma’lum qilgan. Unga ko‘ra, astronavtlar Suni Uilyams va Batch Uilmorga rejalashtirilmagan kechikish sababli har biri uchun 286 kun davomida jami 1400 dollardan to‘lanadi. Bu mablag‘ “kutilmagan xarajatlar” uchun ajratilgan fonddan to‘lanmoqda.
Eslatib o‘tamiz, Uilyams va Uilmor 2024-yil 5-iyun kuni XKSga uchirilgan bo‘lib, ularning Yerga qaytishi dastlab 14-iyunga rejalashtirilgan edi. Biroq Starliner kemasining texnik nosozliklari tufayli missiya olti oydan ortiq vaqtga kechikkan.
