Marokashda qadimgi qishloq qoldiqlari topildi
Bu qishloq bronza davriga oid bo'lib chiqdi.
Arxeologlar Marokashda, Finikiyaliklar kelishidan ming yillar oldin yashagan odamlarning qishloq turmush tarziga oid qiziqarli dalillarni topdilar. Kach Kuuch hududida topilgan qoldiqlar eramizdan avvalgi 2200-600 yillarga taalluqli bo‘lib, bu joyning bronza davrida ham muhim aholi maskani bo‘lganini ko‘rsatmoqda.
Olimlar qazishmalar davomida yog‘och binolar, saqlash omborlari va dehqonchilik asboblarini aniqladilar. Bu esa qadimgi Mag‘rib xalqlari o‘troq hayot kechirganini, qishloq xo‘jaligi bilan shug‘ullanganini isbotlaydi. Ularning madaniy aloqalari ham keng bo‘lib, O‘rta yer dengizi bo‘ylab turli xalqlar bilan almashinuvlar bo‘lib o‘tgan.
Bu kashfiyot tarixiy tushunchalarni o‘zgartirib, Mag‘rib uzoq vaqt davomida "bo‘sh hudud" bo‘lmaganini tasdiqlaydi. Tadqiqotchilar ushbu yodgorlik mintaqaning qadimiy madaniy va iqtisodiy tarmoqlarida muhim o‘rin tutganini aytmoqdalar.
