Mercedes-Benz avtomobillari endi robotlar tomonidan yig'iladi
Ushbu odamsimon robotlar yordamida ishlab chiqarish samaradorligini oshirish mumkin.
Mercedes-Benz Berlindagi zavodida AQShning Applonik kompaniyasi tomonidan ishlab chiqilgan odamsimon robotlarni sinovdan o‘tkazishni boshladi.
Ma’lumotlarga ko‘ra, Apollon robotlari zavodning ichki logistika jarayonlarini avtomatlashtirish uchun joriy etilmoqda. Ushbu robotlar avtomobil qismlarini ishlab chiqarish liniyasiga yetkazib berish, ishchilarga ulardan samarali foydalanishda yordam berish va komponentlarning dastlabki sifatini tekshirish kabi vazifalarni bajaradi.
Bundan tashqari, Apollon robotlari o‘zini quvvat manbaiga ulash orqali avtomatik tarzda zaryad qilish qobiliyatiga ega. Bu ularning uzluksiz ishlashiga va ishlab chiqarish jarayonining yanada samarali bo‘lishiga yordam beradi.
Ekspertlarning fikricha, Mercedes-Benz tomonidan ushbu texnologiyaning joriy etilishi avtomobil sanoatida avtomatlashtirishning yangi bosqichini boshlab berishi mumkin. Shu bilan birga, zavoddagi ishchilar bilan hamkorlikda ishlashga mo‘ljallangan bu robotlar inson omili va zamonaviy texnologiyalar uyg‘unligining yorqin namunasi bo‘lib xizmat qiladi.
