Olimlar Yerning aylanishidan energiya olish yo‘lini topdi
Hozirda yangi tadqiqotni rivojlantirish rejalashtirilmoqda.
Prinston universiteti, Kaliforniya texnologiya instituti va Spectral Sensor Solutions kompaniyasi fiziklari Yerning aylanish energiyasidan foydalanib elektr ishlab chiqarish usulini taklif qilishdi.
Ilgari bunday texnologiya haqida ilmiy doiralarda shubhalar mavjud edi, chunki yaratilgan kuchlanish elektronlarning qayta taqsimlanishi tufayli yo‘qolishi mumkin deb hisoblangan. Biroq, olimlar ushbu kompensatsion harakatni oldini olishga muvaffaq bo‘lishdi.
Tajribada marganets rux ferritidan yasalgan silindr ishlatildi. U shimoldan janubga 57° burchak ostida joylashtirildi va Yerning magnit maydoni bilan perpendikulyar o‘zaro ta’sirga kirishdi. Qurilmaning uchlariga elektrodlar o‘rnatilib, o‘lchovlar amalga oshirildi. Natijada, 18 mikrovolt kuchlanish hosil bo‘lgani qayd etildi.
Tadqiqotchilar barcha tashqi ta’sirlarni, jumladan, harorat farqlarini va material tarkibining ta’sirini istisno qilishdi. Natijalar qo‘shimcha mustaqil tekshiruvlarni talab qiladi, ammo agar tasdiqlansa, bu Yerning tabiiy harakatidan energiya olish imkoniyatini ochishi mumkin.
Olimlarning fikricha, agar texnologiya yetarlicha rivojlantirilsa, katta miqdorda elektr energiyasi ishlab chiqarish mumkin bo‘ladi.
