Andijondagi uylarning birida yong‘in yuz berdi
Yong‘inda tan-jarohati olgan va halok bo‘lganlar yo‘q.
Bugun, 24 mart kuni soat 10:30 da Andijon shahar “Mustaqillik” MFY, E.Ashurov ko‘chasida joylashgan uylarning birida yong‘in sodir bo‘layotganligi to‘g‘risida FVBga xabar tushgan.
Shunga ko‘ra, 2 ta yong‘in-qutqaruv ekipaji soat 10:34 da hodisa joyiga yetib borib, yong‘in soat 10:37 da o‘rab olingan va soat 10:45 da o‘chirilgan.
Yong‘in natijasida uyning 30 kvadrat metr maydonda tom qismi yonib zararlangan. Yong‘in-qutqaruvchilarning tezkor harakatlari tufayli uyning 100 kvadrat metr maydoni yong‘indan saqlab qolinib, boshqa tutash uylarga tarqalishi oldi olindi.
Yong‘indan tan-jarohati olgan va halok bo‘lganlar yo‘q. Hozirda yong‘inning kelib chiqish sababi va moddiy zarar miqdori aniqlanmoqda.
