Britaniyalik erkak energetik ichimliklar tufayli tishlaridan ayrildi
U 20 yil davomida muntazam energetik ichimliklar ichgan.
Britaniyalik Nikolas Mudford 20 yil davomida haftasiga 21 ta energetik ichimlik ichib, natijada tishlari butunlay yemirilib, tushib keta boshlagan. Tish shifokorlaridan qo‘rqqani uchun yillar davomida muammoni e’tiborsiz qoldirgan.
Uning hayotida burilish nuqtasi ishga ketayotganda oldingi tishlaridan biri tushib ketganida yuz berdi. O‘zini noqulay his qilgan Nikolas nihoyat fevral oyida Turkiyada 9000 funt sterlingga tishlarini tiklashga qaror qildi.
"Endi men hech ikkilanmasdan tabassum qilaman va har bir suratga tushganimda ishonch bilan jilmayaman. Energetik ichimliklar tishlarni yo‘q qiladi! Endi men buni ichadigan har bir kishini ogohlantiraman", – deydi Nikolas.
Endi u har ikki yilda bir marta tishlarini tekshirtirish uchun Turkiyaga borishni rejalashtirgan va nihoyat o‘ziga bo‘lgan ishonchini tiklagan.
