Rossiya Ukrainaning 5 ta viloyatini olmoqchi
Putin ayniqsa Zaporojue va Xersonni talab qilmoqda.
Rossiya, Saudiya Arabistonida AQSH bilan o‘tkazilayotgan muzokaralarda Ukrainaning Donetsk, Lugansk, Zaporojye va Xerson viloyatlarini o‘z nazoratiga olishga intilmoqda. Garchi ushbu hududlarning barchasi hozirgi kunda Rossiya armiyasi tomonidan to‘liq nazorat qilinmasada, Kreml ularni maʼmuriy chegaralari bo‘yicha – Rossiya konstitutsiyasida ko‘rsatilgan anneksiya prinsipi asosida qo‘lga kiritishni rejalashtirayotganini aytmoqda.
Prezident Vladimir Putin yaqin amaldorlarning so‘zlariga ko‘ra, siyosiy jihatdan bu hududlarni yo‘qotish Rossiya uchun qabul qilib bo‘lmaydigan holat bo‘lib, u har qanday yo‘l bilan bu hududlar ustidan nazoratni o‘rnatishga intilishini taʼkidlagan. Putin, ayniqsa, Zaporojye va Xerson viloyatining butun hududlarini talab qilayotganini bildirgan, bu esa Rossiyaning hududiy kengayish siyosatining muhim qismi hisoblanmoqda.
Bundan tashqari, ayrim rossiyalik amaldorlar muzokaralarda, AQSHning Ukrainadagi Rossiya tomonidan bosib olingan hududlardan qo‘shinlarni olib chiqish talabini qo‘yib, bosim o‘tkazish imkoniyatiga umid qilayotganliklarini bildirishmoqda.
Shu bilan birga, alternativ variant sifatida Rossiya, masalan, Dnepropetrovsk yoki Sumi viloyatining bir qismini egallab olish orqali Xerson va Zaporojye hududlarini almashishni taklif qilishi mumkinligi aytilmoqda. Fevral oyi maʼlumotlariga ko‘ra, Rossiya armiyasi ushbu to‘rt viloyatning katta qismlarini nazorat ostida ushlab tursada, baʼzi markaziy nuqtalar hali ham qo‘lga kiritilmagan.
