Meta nazoratni susaytirmoqda

Yanvar oyida Mark Sukerberg kompaniya uchinchi tomon faktchekingidan voz kechishini, uning o‘rniga Instagram, Facebook va Threads‘da Community Notes paydo bo‘lishini eʼlon qilgan edi. Bu X (Twitter) ga o‘xshash bo‘lib, unda hamjamiyat dezinformatsiyaga qarshi kurashish uchun qo‘shimcha maʼlumotlarni taqdim etish orqali kontentni o‘zi boshqaradi.

 

Bu Meta xizmatlarida qanday ishlaydi:

 

— Community Notes dasturi aʼzosi sifatida ro‘yxatdan o‘tgan foydalanuvchilar aniqlashtirish yoki tekshirishni talab qiladigan postlarga qaydlarni taklif qilishlari mumkin.

— Bu qaydlar darhol paydo bo‘lmaydi. Ular tarafkashlikka yo‘l qo‘ymaslik uchun turli nuqtai nazarga ega bo‘lgan boshqa ishtirokchilar tomonidan baholash jarayonidan o‘tadilar.

— Agar maqola yetarlicha ijobiy baholansa va foydali deb hisoblansa, u kontekst qo‘shish yoki noaniqliklarni tuzatish orqali nashr ostida ko‘rinadi.

 

Maqsad - jamoatchilikka avvalgidek markazlashgan fakt-chekerlarga tayanish o‘rniga maʼlumotlarni mustaqil ravishda tekshirish imkoniyatini berish.

 

Community Notes aʼzosi bo‘lish uchun bir nechta talablarga javob berish kerak: 18 yoshdan oshgan AQSH rezidenti bo‘lish, 6 oydan oshgan akkauntga ega bo‘lish va yaxshi reputatsiyaga ega bo‘lish. Bundan tashqari, tasdiqlangan telefon raqami yoki ikki bosqichli autentifikatsiya talab etiladi.

 

AQSHda Facebook, Instagram va Threads uchun Community Notes‘ning ishga tushirilishi joriy yil 18 martga belgilangan.

 

Meta Community Notes boshqa mamlakatlarda qachon paydo bo‘lishiga aniqlik kiritmagan.