Nigeriyada harbiy bazaga hujum uyushtirildi
Terrorchilar harbiy bazaga dronlar yordamida hujum qilgan.
Nigeriyaning Borno shtatidagi harbiy bazaga uyushtirilgan hujum oqibatida kamida 16 kishi halok bo‘ldi. Avvalroq to‘rt kishining o‘limi haqida xabar berilgan edi.
Xabarlarga ko‘ra, hujumni Nigeriya shimoli-sharqida faoliyat yurituvchi IShID va Boko Haram terror tashkilotlari amalga oshirgan. Jangarilar avval dronlar yordamida zarba bergan, so‘ng yer qismidan hujum uyushtirib, harbiy bazaning qurol-yarog‘ omborini talon-taroj qilgan.
Kamerun Mudofaa vazirligining ma’lum qilishicha, halok bo‘lganlarning 12 nafari Kamerun armiyasi harbiy xizmatchilari bo‘lib, 10 kishi jarohatlangan. Yaradorlar Chad poytaxti Ndjamena shahriga yetkazilgan.
Mudofaa vazirligi jangarilarning yirik transmilliy jinoiy guruhlar bilan aloqasi borligini ta’kidlab, ular hujum chog‘ida murakkab qurollardan va yengil-taktik mashinalardan foydalanganini qo‘shimcha qilgan.
