Dog'istonda o'lgan ayol dafn marosimida tirildi
Unga "lazar sindromi" tashxisi qo'yilgan.
Dog'istonda dafn marosimi paytida masjidga olib kelingan ayol to'satdan hayotga qaytdi.
Ma'lumotlarga ko'ra, ayol bir necha kun oldin kasal bo'lib hushidan ketgan. Qarindoshlari uning o'lganligini tasdiqlashgan va uni marosim uchun masjidga olib kelishgan. Masjidda yuvish marosimi o'tkazilishi davomida, hayotdan butunlay uzilgan deb hisoblangan ayol ko'zlarini ochgan. Bu hodisa atrofdagi odamlar orasida katta hayratga sabab bo'ldi.
Tibbiy ekspertiza unga "Lazar sindromi" tashxisini qo'ygan. Bu sindrom yurak tutilishidan keyin qon aylanishining o‘z-o‘zidan tiklanishi bilan tavsiflanadi.
Ayolni davolash uchun tez yordam ko'rsatilgan va u kasalxonaga yotqizilgan. Uning holati jiddiy, lekin tibbiy xodimlar uning tez orada sog‘ayishiga umid qilmoqda.
Bundan oldin, Ozarbayjonning Jalilobod tumanida ham shunga o‘xshash bir hodisa ro‘y bergan. 34 yoshli erkak uyida hayot belgilari bo'lmagan holda topilgan va vafot etgan deb hisoblangan. U sud-tibbiy ekspertiza uchun olib ketilganida, ma'lum bo‘lishicha, u o‘lik emas, balki koma holatiga tushganligi aytilgan. Shunday qilib, bir necha soat davomida tirik bo‘lgan erkakning hayoti saqlab qolingan.
