AQSh va Meksikada suv toshqinlari kuzatilmoqda
Tabiiy ofat minglab odamlarni elektrsiz qoldirdi.
Texas janubida kuchli yomg‘ir sabab yuzaga kelgan suv toshqinlari oqibatida kamida to‘rt kishi halok bo'ldi.
Mahalliy hokimiyat ma’lumotlariga ko‘ra, eng og‘ir vaziyat Xidalgo okrugida kuzatilgan bo‘lib, u yerda uch kishining jasadi topilgan.
AQSh bojxona va chegara qo‘riqlash xizmatining bildirishicha, suv ostida qolgan avtomobilda noqonuniy muhojirlarni tashishda foydalanilgani taxmin qilinmoqda. Ushbu avtomobil ichidan yana bir erkakning jasadi topilgan.
Xarlingen shahridagi Valley xalqaro aeroporti yopilib, barcha reyslar bekor qilingan.
Meksikada ham suv toshqinlari kuzatilmoqda, harbiylar evakuatsiya ishlariga jalb qilingan.
