Ozarbayjon ayollari eng sog‘lom ayollar ro‘yxatidan joy oldi
Ozarbayjon ayollari 142 davlat ichida 54-o‘rinni egalladi.
Ozarbayjon ayollari dunyo bo‘ylab eng sog‘lom ayollar qatoridan joy oldi. Hologic tomonidan o‘tkazilgan “Ayollar salomatligi indeksi” nomli to‘rtinchi yillik global tadqiqot natijalariga ko‘ra, Ozarbayjon 142 davlat orasida 54-o‘rinni egalladi.
Tadqiqot natijalariga ko‘ra, mamlakat ruhiy salomatlik, asosiy ehtiyojlarni qondirish va individual tibbiy ko‘rsatkichlar bo‘yicha ijobiy natijalarga erishgan. So‘rovda 146 ming ayol ishtirok etgan bo‘lib, metodika profilaktik tibbiy xizmatlardan foydalanish, hissiy farovonlik va umumiy salomatlik darajasi kabi omillarni hisobga olgan.
Eng yuqori indeksli 10 ta davlat:
- Tayvan
- Quvayt
- Avstriya
- Shveytsariya
- Finlyandiya
- Germaniya
- Singapur
- Daniya
- Slovakiya
- Lyuksemburg
MDH davlatlari orasida eng yaxshi natijani Estoniya (11-o‘rin) va Qozog‘iston (12-o‘rin) qayd etdi. Rossiya 51-o‘rinda, Gruziya 72-o‘rinda, Armaniston esa 89-o‘rinni egalladi. Turkiya 76-o‘rinda qayd etilgan.
Tadqiqotchilar fikriga ko‘ra, so‘nggi 4 yil ichida 28 ta davlat ayollar salomatligini yaxshilash bo‘yicha sezilarli yutuqlarga erishgan. Biroq, hatto eng yuqori indeksga ega mamlakatlar ham 100 balldan 68 balldan ortiq ball ololmagan, bu esa global miqyosda ayollar salomatligini yanada yaxshilash kerakligini ko‘rsatadi.
