Tramp Myanmaga yordam beradi
Zilzila oqibatida 1 000 kishining halok bo‘lgani tasdiqlangan.
AQSh prezidenti Donald Tramp Myanmarda sodir bo‘lgan 7,7 magnitudali zilzila natijasida yuzaga kelgan halokatdan so‘ng mamlakatga yordam berishini ma’lum qildi.
Myanma harbiy hukumatining yetakchisi Min Aung Xlayn xalqaro hamjamiyatdan kamdan-kam hollarda yordam so‘raydi, ammo bu safar favqulodda vaziyat tufayli murojaat qilishga majbur bo‘ldi. Shu bilan birga, AQSh hukumati Myanmadagi yordam dasturlarini qisqartirishga qaror qilgan bo‘lib, bu jarayon global gumanitar harakatlarga katta ta’sir o‘tkazmoqda.
Ma'lum qilinishicha, zilzila 334 ta atom bombasiga teng energiyani chiqarib yuborgan. Mamlakatda aloqa tizimlarining ishdan chiqishi va davom etayotgan harbiy to‘qnashuvlar xalqaro tashkilotlarning aniq ma’lumot olishiga to‘sqinlik qilmoqda. Mahalliy hukumat hozircha kamida 1 000 kishining halok bo‘lganini tasdiqladi, ammo AQSh Geologiya xizmati (USGS) qurbonlar soni 10 mingdan oshishi mumkinligini taxmin qilmoqda.
