Janubiy Koreyadagi yong‘inning sababi aniqlandi
Qabristonni obodonlashtirishda yo'l qo'yilgan ehtiyotsizlik yirik yong‘inga sabab bo‘lganligi aytilmoqda.
Janubiy Koreyada bir erkak oilaviy qabriston atrofini tozalayotganda yong‘in boshlangani aytilmoqda. 50 yoshdagi erkak 22-mart kuni Uiseon tumanida oilaviy qabriston atrofini tartibga keltirayotganda kuchli shamol tufayli yong‘in chiqib ketgan. Natijada, ko‘plab binolar, jumladan, 1300 yillik buddist ibodatxonasi yonib ketgan.
Yong‘in natijasida 48,000 gektar maydon zarar ko'rgan va 30 kishi halok bo'lgan. 3,100 dan ortiq odam evakuatsiya qilingan va beshta hudud favqulodda ofat zonasiga aylantirildi. Janubiy Koreya armiyasi va yordamchi kuchlar yong‘in bilan kurashishda yordam bermoqda.
Yong‘inlardan Gounsa ibodatxonasi ham jiddiy zarar ko‘rgan, ammo ba’zi qadimiy ashyolar boshqa ibodatxonalarga ko‘chirilgan va saqlanib qolgan.
