Shvetsiya Ukrainaga 1,5 milliard evrolik yangi harbiy yordam yuboradi
Mablag‘ yangi harbiy texnika sotib olish va sanoat uchun sarflanadi.
Shvetsiya Ukraina ga 1,48 milliard evrolik yangi harbiy yordam ko‘rsatishini e'lon qildi. Bu haqda qirollik mudofaa vaziri Pol Jonson ma'lum qildi.
"Bizning maqsadimiz – Ukrainani muzokaralarda kuchli pozitsiyaga ega bo‘lishi uchun maksimal darajada qo‘llab-quvvatlash", – deb ta'kidladi Jonson.
Jonsonning so‘zlariga ko‘ra, 16 milliard shved kronasi (taxminan 1,48 milliard evro) miqdoridagi yordam paketi Stokgolm tomonidan Kievga ajratilgan eng yirik mablag‘ bo‘ladi. Ushbu yordam paketiga ko‘ra, 9 milliard krona yangi harbiy texnika sotib olishga sarflanadi, yana 5 milliard krona esa Ukrainaning mudofaa sanoatini moliyalashtirishga yo‘naltiriladi.
Shvetsiyaning Ukrainaga ko‘rsatgan umumiy harbiy yordam miqdori Rossiyaning keng ko‘lamli bosqini boshlangandan beri 80 milliard krona (taxminan 7,4 milliard evro)ni tashkil etdi.
Shuningdek, Shvetsiya mudofaa vaziri boshqa Yevropa davlatlarini ham Ukraina ga ko‘proq yordam berishga chaqirdi.
"Ko‘proq mamlakatlar yana kuchliroq harakat qilishi kerak. Yevropa Ittifoqi iqtisodiyoti Rossiya iqtisodiyotidan sakkiz baravar yirik, shuning uchun siyosiy iroda mavjud bo‘lsa, katta yordam ko‘rsatish mumkin. Muammo shundaki, Yevropa mudofaa sanoati tinchlik davriga moslashgan", – dedi Jonson.
