Xitoy bozorlarida quritilgan kalamush go‘shti sotilmoqda
Yangilik jamoatchilik orasida bahs-munozaralarga sabab bo‘ldi.
Xitoyning Guandun provinsiyasi va qirg‘oqbo‘yi hududlarida quritilgan kalamush go‘shti sotila boshlandi. Mahalliy OAV va ijtimoiy tarmoqlarda tarqalgan videolarda sotuvchilar bu mahsulotni reklama qilib, uning ta’mi yoqimli ekani ta’kidlashmoqda. Go‘sht bug‘lanib, guruch bilan yoki sarimsoq va selderey bilan qovurilgan holda tortilmoqda.
Sotuvchilarning so‘zlariga ko‘ra, kalamushlarning aksariyati yovvoyi tabiatda ovlanadi, faqat kichik bir qismi esa oziq-ovqat maqsadida maxsus yetishtiriladi. Mahalliy aholining ayrim qismi yangi taomni sinab ko‘rgan bo‘lsa, boshqalar uni sanitariya nazoratidan o‘tmagani sababli iste’mol qilishdan qo‘rqmoqda.
Bu yangilik jamoatchilik orasida turli bahs-munozaralarga sabab bo‘ldi. 2019-yilda Vuxan shahrida hayvonlar go‘shti sotiladigan bozor COVID-19 pandemiyasining epitsentriga aylangani sababli, ko‘pchilik bunday mahsulotlar yangi epidemiyaga sabab bo‘lishidan xavotirda.
