Fransuz matbuotida yurtimizning yuksalishi yoritildi
Le Figaro Oʻzbekistonning jahon hamjamiyatidagi o‘rniga e’tibor qaratdi.
Fransiyaning eng nufuzli gazetalari qatoriga kiruvchi Le Figaro 3-aprel sonida Oʻzbekiston haqida maqola chop etdi. Unda mamlakatimizning iqtisodiy va madaniy rivojlanishi, xalqaro hamkorlikdagi yutuqlari hamda Fransiya bilan o‘zaro aloqalarining mustahkamlanishi yoritilgan.
Nashrda Oʻzbekistonning soʻnggi yillarda amalga oshirgan islohotlari, innovatsion yondashuvlari hamda xalqaro maydondagi faolligi alohida ta’kidlangan. Ayniqsa, Parij va Toshkent o‘rtasidagi do‘stona hamkorlikning yangi bosqichga ko‘tarilayotgani e’tirof etilgan.
Mazkur maqolaning chop etilishi Oʻzbekistonga xalqaro axborot maydonida tobora ortib borayotgan qiziqishning yana bir dalili sifatida e’tirof etilishi mumkin.
