Armaniston hukumati Yevropa Ittifoqiga qo‘shilish qarorini tasdiqladi
A’zolik masalasi referendumga qo‘yilishi mumkin.
Armaniston prezidenti Vaagn Xachaturyan mamlakatning Yevropa Ittifoqiga qo‘shilish jarayonini boshlash to‘g‘risidagi qonunni imzoladi. Bu haqda prezidentning matbuot xizmati xabar berdi.
Joriy yil yanvar oyining boshlarida Armaniston hukumati ushbu qarorni ma’qullagan bo‘lsa, mart oyining oxirida uni parlament ham tasdiqlagan.
Shu bilan birga, bosh vazir Nikol Pashinyan bu hujjat imzolangan bo'lsada Armanistonning to‘g‘ridan-to‘g‘ri Yevropa Ittifoqiga a’zo bo‘lishi kafolatlanmasligini ham ta’kidladi. Uning so‘zlariga ko‘ra, mamlakatning YeIga qo‘shilishi masalasida yakuniy qaror faqat umumxalq referendumi orqali qabul qilinishi mumkin.
