Putinning vakili AQShda sulh shartlarini muhokama qildi
Uchrashuv Donald Tramp ma’muriyati tashabbusi bilan uyushtirilgan.
Rossiya prezidentining maxsus vakili va To‘g‘ridan-to‘g‘ri investitsiyalar jamg‘armasi (RDIF) rahbari Kirill Dmitriev AQShning Vashington shahrida nufuzli respublikachi senatorlar bilan uchrashdi. Uchrashuvda Ukraina urushini tugatish imkoniyatlari va o‘t ochishni to‘xtatish bo‘yicha Rossiya taklif etgan shartlar muhokama qilindi.
Xabarga ko‘ra, Dmitriev senatorlar Lindsi Grem va Markueyn Mullin bilan suhbatlashgan. Uchrashuv Donald Tramp ma’muriyati tashabbusi bilan uyushtirilgani, muzokaralarda tinchlik, iqtisodiy aloqalar va hatto to‘g‘ridan-to‘g‘ri aviaqatnovlarni qayta tiklash kabi masalalar ko‘tarilgani ta’kidlangan. Dmitriev aynan kim bilan va qanday natijaga erishilgani haqida batafsil ma’lumot bermagan.
Ma’lumot uchun, Dmitriev AQSh sanksiyalari ostida bo‘lib, bu safar uchun unga vaqtinchalik viza cheklovlari bekor qilingan. U Vashingtonga Rossiyaning sulhga tayyorligi va iqtisodiy hamkorlik takliflarini yana bir bor ilgari surish uchun borgan.
