Xitoy AQSh mahsulotlariga 34 foiz boj joriy qildi
Xitoy Trampning yangi tariflarni “adolatsiz” deb hisoblaydi.
Xitoy Moliya vazirligi 10-apreldan boshlab AQShdan import qilinadigan barcha mahsulotlarga qo‘shimcha 34 foizlik boj joriy etilishini e’lon qildi.
Bu qadam AQSh prezidenti Donald Trampning 2-aprel kuni boshqa mamlakatlar, jumladan Xitoy mahsulotlariga ham bojlar joriy qilganiga javoban amalga oshirilmoqda. Trampning so‘zlariga ko‘ra, AQSh “o‘nlab yillar davomida” savdo masalasida boshqa davlatlarga imtiyoz bergan.
Xitoy esa bu tariflarni “adolatsiz” deb hisoblab, o‘z javob choralarini e’lon qildi. Yangi choralar natijasida Xitoyga import qilinadigan AQSh mahsulotlariga umumiy bojlar darajasi 54 foizga yetadi. Chunki avvalgi ikki bosqichda allaqachon 20 foizli boj joriy etilgan edi, yangi 34 foizlik stavka esa bunga qo‘shiladi.
Bu savdo urushi ikki mamlakat o‘rtasidagi iqtisodiy aloqalarga jiddiy ta’sir ko‘rsatmoqda. Korxonalar, investorlar va iste’molchilar uchun bu mojaro narxlar oshishi va savdo hajmining kamayishiga olib kelishi mumkin.
