Daniya Ukrainaga harbiy yordamini davom ettirmoqda
Hukumat Ukrainaga 900 million yevrolik harbiy yordam ajratdi.
Daniya hukumati 2025–2027-yillar davomida Ukrainaga harbiy yordam ko‘rsatish bo‘yicha 900 million yevro miqdoridagi yangi paketni tasdiqladi. Bu haqda Daniya Mudofaa vazirligi o‘z rasmiy saytida e’lon qilgan bayonotida ma’lum qilindi.
Rejaga ko‘ra, ushbu mablag‘lar Ukraina armiyasini artilleriya qurollari va o‘q-dorilar bilan ta’minlash, havo hujumidan mudofaa tizimlari, dronlar va axborot texnologiyalarini qo‘llab-quvvatlash uchun ajratiladi.
Daniya Mudofaa vaziri Troels Lund Poulsenning so‘zlariga ko‘ra, xavfsizlik bilan bog‘liq vaziyat tez o‘zgarib borayotgani sababli, Daniya Ukrainaga harbiy yordam ko‘rsatishda davom etishi muhim ahamiyat kasb etadi. Unga ko‘ra, ushbu 25-yordam paketi Ukrainani qisqa va uzoq muddatli istiqbolda qo‘llab-quvvatlashga qaratilgan.
