Fransiyada kokain kontrabandasi fosh etildi
Bu operatsiya giyohvandlikka qarshi kurashda katta yutuq deb baholanmoqda.
Fransiyada ilk bor giyohvand moddalarni ochiq dengiz orqali olib kirish sxemasi aniqlanib, katta miqdordagi kokain musodara qilindi. Hukumat 800 kilogramm kokainni qo‘lga kiritdi va kontrabanda tarmog‘iga chek qo‘ydi.
Prokuratura ma’lumotlariga ko‘ra, kontrabandachilar "tashlash" deb ataluvchi usuldan foydalangan — ular Braziliyadan kelayotgan yuk kemasidan kokain o‘ramlarini dengizga tashlab yuborgan, so‘ngra ularni kichik baliq ovlash qayiqlari bilan olib ketishgan.
Prokurorning so‘zlariga ko‘ra, bu operatsiya “Fransiyada uyushgan giyohvandlik kontrabandasiga qarshi kurashda tub burilish yasadi”. Mazkur sxema 18 oy davom etgan tergov natijasida ochilgan.
Shuningdek, 2024-yilda musodara qilingan narkotiklar miqdori oldingi yilga nisbatan 130 foizga oshgani qayd etildi.
