Rossiya Ukrainada 4000 dan ortiq tankni yo‘qotgan
NATO generali AQShsiz Ukraina zaiflashishini ta'kidladi.
AQSh Senatidagi Qurolli kuchlar bo‘yicha qo‘mitada bo‘lib o‘tgan eshituvlar davomida NATOning Yevropadagi Birlashgan kuchlari qo‘mondoni, general Kristofeр Kavoli Rossiya armiyasining Ukrainadagi yo‘qotishlari haqida ma’lumot berdi.
Generalning so‘zlariga ko‘ra, Rossiya Ukrainadagi urush davomida 4000 dan ortiq tankni yo‘qotgan. Bu — janglar boshlanganidan buyon kuzatilgan eng yirik texnik yo‘qotishlardan biridir.
Shuningdek, general Ukraina Qurolli Kuchlari Qo‘shma Shtatlar ko‘magiga jiddiy ehtiyoj sezayotganini ta’kidladi. Uning aytishicha, aynan AQSh harbiy yordami tufayli Ukraina havo mudofaasi Rossiya raketalarini nishonga olish imkoniyatiga ega bo‘lmoqda.
“Qo‘shma Shtatlar tomonidan taqdim etilayotgan razvedka ma’lumotlari Ukraina armiyasiga Rossiya qo‘mondonlik markazlari va logistika infratuzilmalariga aniq zarbalar yo‘llashda katta yordam bermoqda”, — dedi general Kavoli.
Uning fikricha, agar AQSh yordamida tanaffus yuzaga kelsa, bu Ukrainani zaiflashtirib qo‘yadi va Rossiyaga strategik ustunlik berishi mumkin.
