Sun’iy intellekt ilk bor universitet talabasi bo‘ldi
Sun’iy intellekt endi talaba sifatida kundalik yuritadi.
Avstriyaning nufuzli Vena universiteti ilk bor sun’iy intellektni talaba sifatida qabul qildi. “Flynn” deb nomlangan sun’iy intellekt raqamli san’at yo‘nalishida imtihon topshirdi, intervyulardan muvaffaqiyatli o‘tdi va rasman o‘qishga qabul qilindi.
Universitet vakillarining aytishicha, Flynn boshqa talabalar kabi darslarda ishtirok etadi, unga baholar qo‘yiladi va u topshiriqlarni mustaqil bajara oladi. Bundan tashqari, Flynn shaxsiy kundalik yuritib, o‘qishdagi tajribalari, do‘stlari va his-tuyg‘ulariga oid yozuvlarni muntazam tarzda yozib bormoqda.
Bu holat — sun’iy intellekt ilk bor rasmiy ravishda oliy o‘quv yurtiga qabul qilingan ilk global voqea sifatida tarixga kirdi. Mutaxassislar bu tajriba ta’lim sohasida sun’iy ong ishtirokini sinab ko‘rishdagi muhim qadam, deya baholamoqda.
