AQShda suv toshqinlari oqibatida 16 kishi halok bo‘ldi
Kentukki shtatida tarixdagi eng kuchli toshqinlar kuzatilmoqda.
AQShning markaziy shtatlarida kuchli yomg‘irlar va bo‘ronlar sababli yuzaga kelgan suv toshqinlari natijasida 16 kishi halok bo‘ldi. Ogayo daryosining suvi 24 soat ichida 1,5 metrga ko‘tarildi, va bu ko‘tarilishning davom etishi kutilmoqda. Kentukki shtatining Luysvill shahrida esa tarixdagi eng kuchli toshqinlar kuzatilmoqda.
Shuningdek, Arkanzass, Missisipi va boshqa shtatlarda halokatli bo‘ronlar sodir bo‘ldi. 2-apreldan boshlab, Kentiukki va boshqa hududlarda 30 santimetrgacha yomg‘ir yog‘gan. AQSh Milliy meteorologiya xizmati yirik yo‘llar, ko‘priklar va boshqa infratuzilma obyektlarining suv toshqinlaridan zarar ko‘rish xavfi haqida ogohlantirmoqda.
Mart oyida esa AQShning o‘rta va janubiy hududlarida kuchli tornadolar tufayli kamida 40 kishi halok bo‘lgandi.
