Chekka hududlarni o‘rganish maqsadida Marsga vertolyot jo'natiladi
NASA Marsda hayot izlarini topish uchun yangi vertolyotni sinovdan o‘tkazadi.
NASA Marsda suv va hayot izlarini qidirish maqsadida yangi avlod vertolyotini sayyoraga yuborishga tayyorgarlik ko‘rmoqda. Xabarlarga ko'ra, “Mars Chopper” nomli ushbu vertolyot yo‘ltanlamas avtomobil kattaligida bo‘ladi.
Qurilmaning og‘irligi 40 kilogrammni tashkil qiladi va u oltita rotor bilan jihozlangan. Vertolyot bir mars kunida besh kilogrammgacha bo‘lgan ilmiy uskunalarni ko‘tara oladi va 3 kilometrgacha masofani bosib o‘tishga qodir.
Asosiy maqsad — Mars yuzasining inson uchun yetib borish qiyin bo‘lgan chekka hududlarini o‘rganish va bu joylarda suv yoki hayotga oid izlarni aniqlashdir.
