Janubiy Koreyada prezidentlik saylovi o'tkaziladi
Saylovlar 3-iyun òtkazilishi rejalashtirilgan.
Ushbu saylovda lavozimidan chetlatilgan sobiq prezident Yun Sok Yolning vorisi aniqlanadi. Hukumat manbalarining xabar berishicha, saylov sanasi bosh vazir vazifasini bajaruvchi Xan Dok Su boshchiligidagi Vazirlar Mahkamasi yig‘ilishida tasdiqlanishi kutilmoqda.
Konstitutsiyaviy sudning impichment to‘g‘risidagi qaroridan so‘ng, mamlakat 60 kundan kechiktirmay muddatidan oldin prezidentlik saylovini o‘tkazishga majbur edi. Agar tasdiqlangan sanaga ko‘ra saylov o‘tkazilsa, nomzodlar 11-maydan kechiktirmay ariza topshirishlari kerak bo‘ladi, saylov kompaniyasi esa 12-mayda boshlanadi. Yangi prezident saylovlar yakunlanishi bilan 3-iyunda o‘z lavozimiga kirishadi.
2024-yilning dekabrida Janubiy Koreya prezidenti Yun Sok Yol mamlakatda harbiy holat joriy etishga urinib ko‘rgan va shundan so‘ng parlament uni isyon ko‘tarishga uringanlikda ayblab, impichment e’lon qilgan. Yun 14-dekabrdan prezidentlik lavozimidan chetlatilgan, ammo harbiy holat joriy etishning siyosiy jihatdan to‘g‘ri qaror ekanini ta’kidlagan.
Keyinchalik, Yun Sok Yolning impichmenti uchun Konstitutsiyaviy sudning qarori kutilgan va mart oyida sud uni hibsdan ozod qilib, hibsga olish orderini bekor qilgan. 4 oy o‘tgach, Yun lavozimidan butunlay chetlatilgan, chunki u davlatning qonun ustuvorligi va demokratiya tamoyillarini buzgan deb hisoblangan.
