Yaponiya bosh vaziri AQShga tashrif buyurib, tariflarni muhokama qilmoqchi
U Tramp bilan uchrashishga tayyorligini ta’kidlagan.
Yaponiya bosh vaziri Shigeru Ishiba tez orada AQShga tashrif buyurib, prezident Donald Tramp bilan savdo tariflari bo‘yicha muzokaralar o‘tkazishga tayyorligini bildirdi. Bu haqda u parlamentning budjet komissiyasida ma’lum qilgan.
Ishiba hozircha tashrif sanasi bo‘yicha yakuniy qaror qabul qilinmaganini aytib, zarurat tug‘ilsa, shaxsan o‘zi Tramp bilan uchrashishga tayyorligini ta’kidladi. U Qo‘shma Shtatlar bilan turli darajadagi doimiy muzokaralar davom etayotganini eslatdi.
Bosh vazir Yaponiya AQShdan tarif imtiyozlari olmaganidan afsusda ekanini bildirib, bu boradagi muzokaralarni davom ettirishga va’dа berdi. Shuningdek, Yaponiya savdoda “nohaqlik qilmasligini” ta’kidlab, buni Amerika tomoniga aniq yetkazish muhimligini qayd etdi.
